 |
|
van Ludgerd Lüske Se köönt de Biller per
Klick vergröttern. Trüch kaamt Se denn mit den Zurück-Knoop
op de Browser-Symboolliest.
Dat SLS steeg up van dei Start-Stäe 39B van dat Kennedy Ruumfohrt-Zentrum bi Cape Canaveral. Up dei Stäe 39 A dorgägen steegen dei Apollo-Maond-Missionen in dei 1960er Johre up. Dornao bruukde man dei Stäe för dei Space-Shuttle-Missionen. Mehr at taihndusend Lüe wörn nao Florida kaomen. Sei wullen den eiersten Maond-Flug füfftig Johre läöter seihn. Artemis-2 is ein grotet Teiken för Forschkung un nationaolet Warken un Tausaome-Arbeiten, schreef dei New York Times.
An Bord van dat Orion-Ruumschipp mit den Naomen Integrity (Dor is Verlaot up.) füng dei Artemis-II-Mannschkup den 8. Fleig-Dag mit "Under Pressure" van Queen und David Bowie an. Dorbi mök man sick praot för dat Trüggefleigen nao dei Ern. Dei Astronauten(') wörn don bold 322.316 Kilometer wiet van dei Ern un 134.459 Kilometer wiet van den Maond weg. Dei NASA plaonde ein Waotern an'n 10. April vör dei Waoterkante van San Diego.
Dat Orion-Ruumschipp duukde läöter in eine Höchte van 121.920 m äöwer den Erdbodden in dei Erd-Atmosphäre in mit 35-fache Schall-Geschwinnigkeit. Dorbi was sei bold 3.148 km van dei Stäe taun Waotern weg. Kort dornao geef et eine plaonte Funk-Pause van 6 Minuten. Dei kummp van dat heite Plasma üm dat Ruum-Schipp, dat dör dat Riewen mit dei Luft entstaiht.
Eine Stünne nao dat Waotern dö dei Mannschkup ut dei Orion-Kapsel in ein Schlauchboot ümstiegen. Dornao güng et mit Helikopters an Bord van dei USS John P. Murtha. Dor geef et för jeden eine lüttke Kaomer, wor man dat medizinischke Ünnerseuken maoken kunn. Eiers dornao kunnen dei Astronauten nao dat Ruumfohrt-Zentrum in Houston fleigen.
Taufräe kunnen dei Ruumfohrers sick up dat Schipp verhaolen. Christina Koch kunn et noch gornich glöben, dat dei Maondflug so fix vörbi was. Süh uck hier: NASA-Bericht Südollnborger Platt: Ludgerd Lüske
|
|
11.4.2026 |
