Notizen ut'n Heumaand

op een been kannst nich stahn,
man een been steiht op di.
dat weer maleis en poor,
man een been güng perdü.
dat poor, de beiden been,
de kunnen nich bestahn,
se leven sik ut'neen;
dor müss dat een been gahn.

se leven sik apart;
een been, dat güng dorvun;
dat anner bröök sien hart
un stört sik in de tunn.

hier vörn, dor geiht dat rin;
man kiekst du nehger hin —
steht blangenan de sinn:
en woortspeel kniept di 'n oog.
— is klook!