Limericks
för Februar
van Ludgerd Lüske
Gleisenstand
Bi Garrel up dei Gleisen wast ein Boom,
so is't in den Lokfohrer sien' Droom.
Man saogt üm gawe daol.
Up eine Ort lätt dat so orig kaol.
Vör den Stubben bleef dei Lok lange staohn.
SUW mit KI
Up 'n Fautweg in Kiel güng 'ne moje Deern,
Joop sien SUW schull bi ehr recht langsaom wern.
Dei Bremse dö nich un hei jöög drock' vörbi,
siene Berta stellde den Waogen so in mit KI.
Nu süht hei dei junge Daome blots van Fern.
Ein Aol inne Seusten
In dei Seusten Hein den Aol gawe füng,
einen kolden Schluck hei don drünk.
Dei Aol was orig taoh un glatt,
hei verlööt fix sien knappe Fatt,
in't Seustenwaoter, platsch, wat gräsig klüng.
|