Limericks för Januar

van Ludgerd Lüske

Wat is ein Limerick?

Ein Limerick is ein kortet Gedicht mit fief Riegen.
Dei eierste, tweide un dei füffte Riege riemet sick miteinanner
Un uck dei darde un veierde.
Ddei eierste, tweide un füffte Riege schäöllt bit tau nägen Silben häbben,
dei darde un veierde blots fiewe off sesse.

Up Hoch an't Knuusen

Liek herut krigg in Resthuusen
dei Harm den Stift an't Suusen.
Riemels äöwer dit un dat,
fünnt hei woll up Platt,
up Hoch dö man doran knuusen.

Nix in't Fatt

Jan töffde in Brämen up dei Baohn,
hei wull in'n Kraug noch gaohn.
Dei Kröger har nicks mehr in't Fatt,
ein däget Malör was dat.
So is ein Pläseier in'ne Wicken gaohn.

Affloopen Dausenwaoter

Mia wull van Armke nao dei Dausen gaohn,
ünnerwägens bleef sei bi den Tochschloot staohn.
Väl Waoter streek nao dei Seusten hen,
äöwer't Mauer möök sei sick Sorgen denn.
För dei Natur werd hier nich dat Beste daon.