Mit Krach un Bordkanonenfüer stüert ein Jagdfleiger
up sienen Gägner tau. Disse Aktion fünnt Roy Lichtenstein
in ein Comic-Heft.
Dei Laoge wesselt räöwer nao einen loopen Propeller,
dei einen Fleiger dör dei Luft driff. Man süht dei Deile
blots as einen wesseln Schadden off Lechglemmer. In den Bildraohmen
gaiht dei Geschwinnigkeit van den Fleiger flüschk. Dei Kraft
van den suusen Propeller fang sick in den Ümmloopkring un
finnt hier woll ehre Grenze. Dei meist unsichtbore Luft glemmt
hier at ein Kringfilm. So wiest sick woll ein liesen Loop, den
man sick bi't Fleigen wünschken mag.
Aower dei draihen Krallenarmse wiest uck dei Gefohr bi so eine
Technik, vör dei man sick an'n Bodden wohren mutt.