|
Kalenner 2023:
Dat Wihnachtslicht
Bild un Vers: Erika Fischer
Dat Bild köönt Se per Klick
vergröttern.
Näwel mökt den Dach tau
Nacht,
sühst de Hand vör Ogen nich.
Stickendüüster!
Kein Schimmer Licht.
De Küll,
mit ieskollen Hänn',
kricht den Näwel in de Plünn'.
Haalt em dal von Häben,
früst em fast an Struk un Bom,
an allns, wat he tau faten kricht.
Wäävt ut den griesen Kram
witt Spitzendauk,
ein Wihnachtskleed för de Ierd.
Klor un licht is nu de Häben.
Glocken lüden von wiet her.
Engel hemm' wedder Sicht,
bringen uns dat
Wihnachtslicht!
|
