|
Kalenner 2023:
Oktober — Saatmaand
Bild un Vers: Erika Fischer
Dat Bild köönt Se per Klick
vergröttern.
Erntedank!
Mit Klockenlüden fangt an de Dach.
Dank tau seggen is an de Tied!
De Aust hett uns rieklich gäwen.
Maak de Harten groot un wied,
dat de Minschen, de in Not,
nich vergäten warden.
Austköst sall nu fieert warden.
Giff du dortau ein'n Sünnendach.
Sungen ward un lacht,
de Döst is groot un danzt ward up de Däl
bit in de deipe Nacht.
|
