
De Panther
(na Rainer Maria Rilke)
Du luurst dör iesdern Stangen.
So mööi.
So duuksk.
So stumm.
Dien Ogen hebben en Vörhang.
Vergett.
Verraad.
Vergahn.
In 't Hart brannt di en Füür.
Van Stolt.
Van Haat.
Van Kracht.

De Tiger
Up de Müür,
up de Luur
sitt en grote Tiger.
Kiekt jo maal de Tiger an,
wo de Tiger springen kann,
dör dat Füür,
dör dat Füür
springt de grote Tiger.

Katanga
De swarte Mann,
de Füür speein kann,
sien Heimaad is Katanga.
De Mann up Flücht,
ohn Enn un Richt,
sien Heimaad is Katanga.
Dör Afrika
Amerika,
sien Heimaad is Katanga.
Van Waterkant
na Waterkant,
sien Heimaad is Katanga.
Van frömde Land
in frömde Land,
sien Heimaad is Katanga.
Dat Zirkustelt
is nu sien Welt,
sien Heimaad is Katanga.
