Freei
Duven fahren Rad,
anstee flegen
unner d' Heven,
flegen freei,
sünd s' tofree.
In Runn lopen Peer,
anstee springen
over d' Eer,
springen freei,
in 't Karree.
Apen spreken Taal,
anstee klautern
in dat Holt,
klautern freei
för sünd se.
Nüms wuss
Nüms wuss,
wo dat kwamm:
Tomaal kunn de Olifant
mit sien Been
Letters in de Sand
schrieven,
Nüms wuss,
wo dat kwamm:
Tomaal kunn dat Stiekelswien
mit sien Snüff
Tallen in de Sand
reken.
Nüms wuss,
wo dat kwamm:
Tomaal kunn dat Undeer
mit Unverstand
Ungoot in de Grund
setten.
Nüms wuss,
wo dat kwamm.
Daar boven
Daar steiht en Löw an d' Noordseestrand,
heel wied weg van sien Vaderland,
utknepen van de Zirkus,
umdat he wieder neet mehr wuss.
Hest du daar boven en Löwenriek,
an leevsten was daar boven ik,
villlicht hest du daar Wöstensand,
bi di was ik ut Rand un Band.
Ik, Köning van de Deren,
kann mi neet anners wehren.
