An’n Disch in Emmaus. Bild-Idee: Ludgerd Lüske, Microsoft. Klick = Vergröttern

Dat Draopen van dei Emmausjünger mit den wedderupstaohn Christus füng an mit twei Lüe, dei nich mehr kunnen. Aal ehr Haopen güng twei. Un jüst in dissen Ogenblick was Jesus dor, einfach un sinnig. Hei löt dei beiden in Ruhe schnacken: Et was an'n Karfreidag ein Daolschlag, dat Läben lööp heil anners at dacht. At sei so schnackden, füng wat an't Glemmen, nich up maol, nich mit Äöwermaot.

Don säen dei Jünger: "Blief bi us." Dorbi markden sei, dat dei Frömde nich aohne Bedacht wiedergaohn schull. Un don, an'n Dischk, bi't Brotbräken, kömen sei dor achter, wecker bi ehr was. Jao, dit bekannte Teiken hülp ehr. Sei harn üm nich kennt, wiels hei sick ännert har, nee, sei sülwes harn sick ännert. Un up'n Schlag was hei weg. Dei beiden güngen dornao wedder trügge nao Jerusalem. Dit Draopen har ehr ännert. Den wedderupstaohn Herr dröpen sei nich up eine besünnere Ort, sünners up einen heil gewöhnlicken Weg un mit Gedanken, dei ehrlick wörn.

Giff us Maut för neie Ideen, för eine Klorheit, wenn wi wat beschluten mötet. Laot us wäten, dat du us in dei Taukunft leiten wullt, dei du för us praot maoket häs.

Alleluia Confitemini Domino, quoniam bonus :
quoniam in saeculum misericordia eius. (PS 105-1)

Hallelulja, bedanket jau bi den Herr, wiels hei gaut is,
un siene Ehre is äwig.

Antiphon: alleluia Confitemini Domino, quoniam bonus
Bild-Daten: Corosanclemente
Luuster hier: Youtube