Dei twei liggen Plaug. Bild-Idee: Ludgerd Lüske, Microsoft. Klick = Vergröttern

Den Sönndag Okuli neumt man nao den Anfang van ein latinschke Antiphon: "Okuli mei semper ad Dominum, quoniam ipse evellet de laqueo pedes meos" — Miene Ogen seiht alltied den Herr, hei dait miene Fäute ut dat Nück trecken. (Ps 25, 15)

An den Sönndag Okuli denkt man nao äöwer ein Naofolgen un wat dortau nödig is. Et gaiht dorbi uck dorümme, dat man kiene weltlicken Wert-Saoken bruuket. Dat sägg us hier dat Evangelium:

Ünnerwägens sä ein Jünger tau Jesus: Ick will mit di gaohn, wor du uck hengaihs. Don sä Jesus: Dei Fösse häbbt ehre Löcker, un dei Väögels häbbt ehre Ester; man dei Menschkensäöhn hätt nicks, wor hei sick henleggen kann. Tau einen annern sä hei: Gaoh mit mi! Aower dei sä: Herr, laot mi eiers noch mienen Vaoder beerdigen. Don sä Jesus: Laot dei Dooen ehre Dooen beerdigen; aower du gaoh hen un verkünnige Gott sien Riek. Noch ein annern sä: Herr, ick will mit di gaohn, aower laot mi noch Affscheid nähmen van dei, dei bi mi in'n Huuse sünd. Jesus sä don tau üm: Wecker einen Plaug in'ne Hand nimmp un nao achtern kieken dait, dei däög nich för Gott sien Riek. (Lukas in't 9. Kapitel, 57-62)

Ein Mitgaohn kann einsaom maoken, wenn et heit, dat wi gägen den Strom schwemmen schäöllt. Aower Jesus kann us bi disse Last helpen. Hei giff us Kraft, dat wi mit minner Saoken utkaomt, un dat wi mit üm gaohn käönt.

Oculi mei semper ad Dominum,
quoniam ipse evellet de laqueo pedes meos.
Respice in me, et miserere mei,
quia unicus et pauper sum ego. (Psalm 25,15)

Miene Ogen seiht alltied den Herr,
hei dait miene Fäute ut dat Nück trecken;
kiek mi an, wäs barmhartig tau mi;
ick bün arm un allennig.

Ad te, Domine, levavi animam meam:
Deus meus, in te confido,
non erubescam. (PS 1)

Nao di hoch, Herr, häwe ick miene Säle.
Mien Gott, ick verlaot mi up di.
Laot mi nich verkaomen.

Antiphon: Oculi mei semper ad Dominum,
quoniam ipse evellet de laqueo pedes meos
Bild-Daoten: Dominica, ännert
Luuster hier: Youtube