Dei drüdde Advent

"Ein Wulkendüster ligg äöwer dei heile Ern"

Wat süht hier use binnste Ooge?
Wat bedütt dei düstern Ern för us
off för dei annern in dei Welt?
Disse düstern Tied beläwt dei adventlicken Menschken.
Sei seiht ein Lecht mit ein Haopen för einen neien Anfang.
Disse Vers wiest, wat use Harte feuhlt, wenn aals tau düster is,
wenn wi kien Haopen finnt.

Dei veier Riegen för dissen Advent staoht in ein orig ollet Adventslied, dat man in disse Tied sing. So old, at et is, so best wiest et, wat van Harten kummp.

Ünnen dei Text up Platt.

Van wiet her seih ick Gott siene Macht, dei kummp. Ein Wulkendüster ligg äöwer dei heile Ern. Gaoht üm gau taumeute un säggt:
Giff us Künne, off du et büs, dei sien Volk Israel regeiern dait.

Schepers un Käönige bringt üm Gaoben mit. Dei Propheten roopet sienen Naomen. Gaoht üm gau taumeute un säggt: Giff us Künne, off du et büs, dei sien Volk Israel regeiern dait.

Süh, hei kummp un bring Freden un Fraide. Hei giff dei Welt ein neiet Läben. Gaoht üm gau taumeute un säggt: Kumm, du Heiland äöwer dei Welt, bring us dei Hülpe, up dei wi teuwt.